Cari hadih, kategori, tag, dan modul

Aceh:
Hina bak dônya areuta teuh tan, hina bak Tuhan èleumèe hana

Indonesia:
Hina di dunia karena tidak berharta, hina di hadapan Tuhan ilmu tidak ada

Aceh:
Hina di dônya èleumèe teuh tan, hina bak rakan hana areuta.

Indonesia:
Hina di dunia karena tidak berilmu, hina di hadapan kawan karena tidak berharta.

Aceh:
Meunyoe göt peu-é budhoe, baranggasoe pih jeuet keu sahbat, meunyoe tan jroh peu-é budhoe, baranggasoe pih gob upat.

Indonesia:
Kalau baik budi-pekerti dengan siapa pun dapat bersahabat, bila tidak baik budi-pekerti, ke mana pun pergi dicela orang.

Aceh:
Meungka jeuet bak èleumèe, peue salah bak ureueng pubuet.

Indonesia:
Kalau sudah sesuai dengan ilmu, apa salah orang yang mengerjakannya.

Aceh:
Jeumöt buet, jeut kaya akai

Indonesia:
Rajin bekerja, bertambah akal

Aceh:
Nyang jeuôh jeuet tatunyok, nyang toe jeuet tamat.

Indonesia:
Yang jauh dapat ditunjuk, yang dekat dapat dipegang

Aceh:
Meunyoe utôh tapeulaku, boh labu jeuet keu asoe kaya

Indonesia:
Kalau pandai mengolah, buah labu jadi srikaya.

Aceh:
Baranggapeue buet tameugurèe, bèk tatirèe han sampôreuna

Indonesia:
semua pekerjaan harus berguru, jangan meniru yang tidak sempurna.

Aceh:
Hana patôt murid lawan gurèe, adak kön seudèe pungo gila.

Indonesia:
Tak patut murid melawan guru, kalau tidak senu pasti gila.

Aceh:
Tahue leumo deungön taloe, tahue manusia deungon akai.

Indonesia:
Menghela lembu dengan tali, menghela manusia dengan akal.

Aceh:
Bèk takira ie saboh blang, nyang ie seumbayang cit saboh tima.

Indonesia:
Jangan dihitung air sepersawahan, air sembahyang hanya setimba.

Aceh:
Meurunoe 'uet peudeueng nibak nggang.

Indonesia:
Belajar menelan pedang dari enggang.

Aceh:
Menyoe takeumeueng peurunoe gob, tameurunoe droe teu dilèe.

Indonesia:
Kalau hendak mengajari orang, belajarlah sendiri dahulu.

Aceh:
Na tabeuet saboh bidayah, jeueb-jeueb meunasah lakèe peutua.

Indonesia:
Hanya belajar pada sebuah Bidayah, tiap-tiap menasah minta jadi ketua.

Aceh:
Meunabsu keucarong tajak bak guru, meunabsu keu malém tajak bak teungku.

Indonesia:
Ingin pandai pergi berguru, ingin alim datangi ulama.